FAQ - Algengar spurningar

1.  Hvað er Scalp Micropigmentation (SMP)?

SMP er varanleg litun (tattoo) í hársvörð, stundum kölluð medical hair tattoo. Aðferðin er örfínir tattoopixlar sem  líkja eftir hársrótum notuð til að fela hármissi, auka þéttleika eða skapa útlit rakaðs eða stubbhárs. SMP er hægt að framkvæma á öllum svæðum hársvörðar, bæði við staðbundna þynningu og algjöra hárleysi.

2. Hvað kostar SMP?

Verð fer eftir umfangi hármissis og meðferðarsvæði. Verðbil er almennt allt frá 50.000 – 490.000

Sendu okkur myndir af hársvörðinum og við veitum nákvæmt verðmat og frekari upplýsingar.

3. Lítur SMP raunverulega út?

Já. SMP skapar útlit rakaðs hárs eða náttúrulegs stubbskugga. Með réttri tækni er meðferðin ógreinanleg – aðeins þú, þeir sem þú kýst að segja frá og meðferðaraðilinn vita af henni.

4. Hversu langan tíma tekur meðferðin?

Meðferðartími fer eftir umfangi hármissis. Algengt er að fara í 3–6 lotur yfir 6–12 vikur. Hver lota tekur yfirleitt 2–6 klukkustundir.

5. Hvernig er réttur litur valinn?

Litaval byggir á húðlit og/eða eftirliggjandi hárlit. Fyrsta lota hefst oft með ljósari lit, og síðan er þéttleiki og dýpt byggð upp smám saman til að ná sem eðlilegastri útkomu.

6. Hvernig er hárlínan ákveðin?

Við förum yfir mismunandi hárlínur, sýnum myndir og teiknum hárlínu á þig. Í upphafi er alltaf betra að fara varlega og ekki fara of neðarlega. Í næstu lotu er hægt að fínstilla útlitið. Hárlína er hönnuð út frá andlitslögun, stíl og óskum hvers og eins.

7.  Er SMP það sama og hefðbundið húðflúr?

Nei. SMP notar aðrar vélar, nálar, litapigment og tækni en hefðbundið húðflúr. Þetta er sérhæft fag sem krefst mikillar reynslu og nákvæmni.

8. Skemmir SMP fyrir hárinu sem er fyrir?

Nei. Nálin fer aðeins í efra húðlag og hefur ekki áhrif á hársekkina. Í sumum tilfellum hefur verið greint frá örvun hárvaxtar.

9. Eru niðurstöðurnar varanlegar?

Já, niðurstöður endast í mörg ár. Lífsstíll og ónæmiskerfi geta haft áhrif á endingu. Margir kjósa viðhaldsmeðferð eftir 3–5 ár til að halda útlitinu fersku.

10. Hvað kostar viðhaldsmeðferð (top-up)?

Verð fer eftir þörf og umfangi. Fyrir núverandi viðskiptavini er verð oft á bilinu  – 100.000 - 200.000 en getur líka verið breytilegt.

11.  Má ég æfa eftir meðferð?

Til að ná sem bestum árangri þarf hársvörðurinn að gróa og þorna náttúrulega í 4 daga eftir hverja lotu. Á þeim tíma skal forðast svita, vatn og allar krem-, olíu- eða húðvörur. Að þeim tíma liðnum má hefja hreyfingu aftur.

12.  Verður hársvörðurinn rauður eða aumur?

Viðbrögð eru mismunandi eftir húðgerð. Strax eftir meðferð er hársvörðurinn hreinsaður og notað er róandi efni. Roði getur varað í 1–2 daga, en er yfirleitt væg viðbrögð.

13.  Er meðferðin örugg?

Já. Notaður er steríll búnaður og nýjar, innsiglaðar nálar við hverja meðferð. Öryggi, hreinlæti og reglur eru í forgangi og starfsemin er fulltryggð.

14.  Getur liturinn breytt um lit (orðið blár eða appelsínugulur)?

Nei. Notuð eru kolabundin svört pigment sem eru þynnt til að passa við húðlit. Þau breyta ekki um lit með tímanum.

15. Er tekið tillit til vaxtarstefnu hársins?

Já. Vaxtarstefna hárs er alltaf höfð í huga til að tryggja sem raunverulegasta útkomu.

16. Er SMP sársaukafullt?

Þú munt finna fyrir óþægindum, líkt og við önnur húðflúr. Við mælum með að borða vel og vera í góðu ástandi á meðferðardegi ásamt því að taka nesti með.  Undirbúningur felur einnig í sér að raka og raka hársvörðinn vel dagana eða vikurnar fyrir meðferð. Flestir upplifa þó að ánægjan af niðurstöðunni vegi þyngra en óþægindin. 

Fyrir þá sem eru að koma í hár "density" þá er bara að hafa hárið alveg hreint í byrjun það þarf ekki að raka hárið. 

Fyrir þá sem eru mjög viðkvæmir þá mælum við með Emlu deyfikremi í hárbotnin 60 mín fyrir meðferð.

17. Hversu sveigjanlegar eru bókanir?

Við reynum að laga tímana að vinnu og einkalífi.

Flestir tímar gerðir á virkum dögum frá 9-13  og  10 - 15.

Seinniparts og helgartímar eru mögulegir ef um sérstök tilfelli er að ræða.